განათლების მინისტრს 6 მოადგილე აღარ ეყოლება – ცვლილება დებულებაში

განათლების, მეცნიერებისა და ახალგაზრდობის მინისტრის მოადგილეების რაოდენობა შემცირდა. ამის შესახებ პრემიერ-მინისტრ ირაკლი კობახიძის ხელმოწერით, 15 სექტემბერს გამოქვეყნებული დადგენილებიდან ირკვევა, სადაც ვკითხულობთ, რომ ცვლილება შევიდა განათლების, მეცნიერებისა და ახალგაზრდობის სამინისტროს დებულებაში.

„პირველი პუნქტი ჩამოყალიბდეს შემდეგი რედაქციით: მინისტრს ჰყავს პირველი მოადგილე და 3 მოადგილე, რომელთა უფლებამოსილებები განისაზღვრება მინისტრის ბრძანებით, თუ კანონითა და საქართველოს მთავრობის სამართლებრივი აქტებით სხვა რამ არ არის დადგენილი“.

გივი მიქანაძეს დღეს 4 მოადგილე ჰყავს:

განათლების მინისტრის რომელი მოადგილე რა მიმართულებას კურირებს უწყებაში – 4 მოადგილე და მათი ფუნქციები

აქამდე სამინისტროს დებულებაში ასეთი ჩანაწერი იყო – “მინისტრს ჰყავს პირველი მოადგილე და 5 მოადგილე, რომელთა უფლებამოსილებები განისაზღვრება მინისტრის ბრძანებით, თუ კანონითა და საქართველოს მთავრობის სამართლებრივი აქტებით სხვა რამ არ არის დადგენილი“.

ასევე იხილეთ:

„იდეალური კანდიდატი ამ პოსტზე“ – განათლების ახალი მინისტრი გივი მიქანაძეა – ბიოგრაფია