მორიგი ცვლილება განათლების სამინისტროში კადრების მიმართულებით – EMIS-ის ხელმძღვანელს 3 მოადგილე ეყოლება

განათლების, მეცნიერებისა და ახალგაზრდობის სამინისტროს დაქვემდებარებული სსიპ-ის, განათლების მართვის საინფორმაციო სისტემის უფროსს, გიორგი არსოშვილს ოთხის ნაცვლად სამი მოადგილე ეყოლება.

ხელმძღვანელის ცვლილებამდე, 5 თვის წინ, EMIS-ის უფროსს 2 მოადგილე ჰყავდა, არსოშვილის დანიშვნის შემდეგ მათი რიცხვი ოთხამდე გაიზარდა, 22 ოქტომბრის ცვლილების შემდეგ კი, მოადგილეების რაოდენობა სამამდე შემცირდა. როგორც EMIS-ის სტრუქტურისა და მენეჯმენტის შემადგენლობიდან ვარკვევთ, უწყებას ფინანსური და მატერიალური რესურსების სამსახურის საკითხებში უფროსის მოადგილე გამოაკლდა.

EMIS-ის დღევანდელი მენეჯმენტის შემადგენლობა ასე გამოიყურება: მენეჯმენტი

EMIS-ის სტრუქტურა კი ასე: სტრუქტურა

განათლების, მეცნიერებისა და ახალგაზრდობის მინისტრის მიერ ხელმოწერილ ბრძანებაში ვკითხულობთ: „საჯარო სამართლის იურიდიული პირის – განათლების მართვის საინფორმაციო სისტემის შექმნისა და მისი დებულების დამტკიცების შესახებ“ ბრძანებაში ცვლილებით, უფროსს ჰყავს სამი მოადგილე, რომელთაც თანამდებობაზე ნიშნავს და თანამდებობიდან ათავისუფლებს მინისტრი“.

სსიპ განათლების მართვის საინფორმაციო სისტემის უფროსად 112-ის ყოფილი ხელმძღვანელი, გიორგი არსოშვილი მიმდინარე წლის ივნისში დაინიშნა.

ასევე იხილეთ:

განათლების სამინისტროს რომელ პროგრამებს აქვს დაბალი ათვისება – აუდიტის სამსახურის დასკვნა ბიუჯეტზე