რამდენი მილიონი დახარჯა განათლების სამინისტრომ სამივლინებო ხარჯებისთვის და შტატგარეშე თანამშრომელთა ანაზღაურებაზე – აუდიტის მონაცემები
სამივლინებო ხარჯების მაჩვენებლით განათლების, მეცნიერებისა და ახალგაზრდობის სამინისტრო საბიუჯეტო უწყებებს შორის მეოთხე ადგილზეა.
ინფორმაციის თავისუფლების განვითარების ინსტიტუტის თანახმად, სახელმწიფო აუდიტის მიერ მათთვის მიწოდებული ინფორმაციიდან დგინდება, რომ 2024 წელს განათლების, მეცნიერებისა და ახალგაზრდობის სამინისტრომ მივლინებების დასაფინანსებლად 5 მილიონამდე ლარი დახარჯა.
2024 წელს, მივლინებებზე ყველაზე მეტი – 17.1 მლნ იუსტიციის სამინისტრომ დახარჯა (ზრდა +94%). საგარეო საქმეთა სამინისტრო სამივლინებო ხარჯებით მე-8 ადგილზეა. მისი ხარჯები წინა წელთან შედარებით 30%-ით შემცირდა.
სახელმწიფო აუდიტის მონაცემებით, განათლების სამინისტრო მოწინავეა შტატგარეშე მოსამსახურეთა ანაზღაურების კუთხითაც.
2024 წელს ამ მიმართულებით განათლების სამინისტრო ჯანდაცვის სამინისტროს შემდეგ, მეორე ადგილზეა და მისმა ხარჯებმა შტატგარეშე თანამშრომელთა ანაზღაურების მიმართულებით 108.9 მილიონი ლარი შეადგინა.
2024 წელს შტატგარეშე მოსამსახურეთა ანაზღაურებაზე ყველაზე მეტი – 210.4 მლნ. ჯანდაცვის სამინისტრომ დახარჯა.
ასევე იხილეთ:
ასევე იხილეთ:
-
კანონში ცვლილებას, რომლის მიხედვითაც 6 წელს მიღწეულ ბავშვებს პირველ კლასში აღარ ჩარიცხავენ, ომბუდსმენი შეისწავლის
by ARIS.GE-განათლება
-
გაიზარდა 2026 წელს სახელმწიფო უნივერსიტეტებში ჩასარიცხ აბიტურიენტთა რაოდენობები პროგრამების მიხედვით – ახალი დადგენილება
by ARIS.GE-განათლება
-
ვინ არის შეფასებისა და გამოცდების ეროვნული ცენტრის ახალი დირექტორის მოადგილე – ბიოგრაფია
by ARIS.GE-განათლება