ცვლილება დამტკიცებულია – უნივერსიტეტებში ქართული ენის სწავლება ისევ სავალდებულო გახდა

საქართველოს პარლამენტმა, პლენარულ სხდომაზე, 85 ხმით „უმაღლესი განათლების შესახებ“ კანონში ცვლილება მესამე მოსმენით მიიღო.

ქეთევან ჭკუასელი: „სტუდენტებს ქართულ ენაში ძალიან ღრმა და სერიოზული ხარვეზები აქვთ, მაგრამ ეს დეფიციტი ერთი კურსით ვერ შეივსება“

როგორც პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარემ გივი მიქანაძემ განაცხადა, ცვლილებების მიღების საფუძველზე, მიმდინარე წლის პირველი სექტემბრიდან საქართველოს უმაღლესს სასწავლებლებში, საბაკალავრო საფეხურზე, ქართულ სექტორზე, ქართული ენის სწავლება სავალდებულო წესით დაბრუნდება.

კანონპროექტის თანახმად, „უმაღლესი განათლების შესახებ“ საქართველოს კანონის მე-2 მუხლს ემატება ქვეპუნქტი, რომლის მიხედვითაც, სახელმწიფო ენის სპეციალური კურსი არის ბაკალავრიატის, მასწავლებლის მომზადების ინტეგრირებული საბაკალავრო სამაგისტრო, ვეტერინარიის მედიკოსის/სტომატოლოგის ინტეგრირებული სახელმწიფოენოვანი სამაგისტრო, დიპლომირებული საგანმანათლებლო პროგრამის (კურიკულუმის) შემადგენლობაში არსებული ქართული ენის სპეციალური კურსი, ხოლო აფხაზეთის ავტონომიურ რესპუბლიკაში – აგრეთვე აფხაზური ენის სპეციალური კურსი.

ამავე თემაზე:

ქართული ენა – სავალდებულო საგანი ყველა უნივერსიტეტში – მიზანი, მოსალოდნელი შედეგი და სამუშაო პროცესი

2025 წლის აბიტურიენტებს, უნივერსიტეტში ჩარიცხვის შემდეგ, ქართულის სწავლის ვალდებულება ექნებათ – ვადები და ახალი დეტალები ცვლილებაზე

უნივერსიტეტებში სახელმწიფო ენის სწავლება სავალდებულო ხდება – საკანონმდებლო წინადადება პარლამენტში განიხილეს